කව් සිතුවිලි

Wednesday, January 31, 2018

දුක් විඳගෙන දොහක්

සන්තකේ තිබු පනමක්

වැය කර මහ පිනක්

පතා ගෙන ගියෙ දානෙ වේලක්

දාන ශාලාවක්

පන්සලට ලොකු පිළිමයක්

හදවන්නට පිනක්

ලැබේ දුන්නොත් දාහෙ කොලයක්

කඨිනෙට නැත දුරක්

ඉතින් ගන්නකො පිරිකරක්

එනසතියේ මැදක්

තිබේය ලොකු සල්පිලක්

දරුවට කිරි බිඳක්

දෙන්නෙත් ඉඳ හිට වරක්

හිමියනි තව දොහක්

එන්නෙ කෙලෙසද පන්සල්

එරබදු මලින් පරිසරයම එකළු වන
කුහු කුහු නදින් සැම දෙසවන් පිනා යන
තිස් දස් වසක කාලෙක සිට පැවත එන
හිරු පරපුරේ අවුරුද්දක් අපට ඇත